क्षितीशजयन्तीमा सत्सङ्ग समारोह

नारायणगढ । अद्वैत संस्था संरक्षण मञ्च नेपालद्वारा आद्य गुरू शंकराचार्य जयन्ती एवम् ब्रह्मज्ञानी श्रीगुरुदेव डा. क्षितीशचन्द्र चक्रवर्तीज्यूको ११४ औं जन्मजयन्तीको उपलक्ष्यमा पाँच दिने क्षितीशजयन्ती बृहत् सत्संग समारोह सम्पन्न भएको छ ।
समारोहको प्रमुख अतिथि जनकपुर एवम् बराहक्षेत्र पीठाधीश जगद्गुरू शान्तमूर्ति हस्तामलक सरस्वतीले उद्घाटन गर्नुभएको थियो ।
अद्वैत संस्था संरक्षण मञ्चका केन्द्रीय अध्यक्ष ऋषिराम सरस्वतीको अध्यक्षतामा सञ्चालित कार्यक्रममा बाह्मण वर्गबाट वैदिक स्वस्तिवाचन, पवित्रादेवी घिमिरेबाट गुरूवन्दना, रत्नप्रसाद श्रेष्ठबाट गुरूदेवको जयगान र प्रेमराज राजभण्डारीबाट स्वागत मन्तव्य प्रस्तुत भएको थियो ।