‘देवघाट दर्पण’को विमोचन

देवघाट । देवघाट क्षेत्र विकास समितिले प्रकाशित मुखपत्र ‘देवघाट दर्पण भाग ३’ को शनिबार देवघाटमा विमोचन भएको छ । मुखपत्रको नेपाल प्रज्ञा प्रतिष्ठानका सदस्य बुँद रानाले विमोचन गर्नु भएको हो ।
कार्यक्रममा मुखपत्रमाथि वीरेन्द्र बहुमुखी क्याम्पसका सहप्राध्यापक भवनाथ सडौला र पूण्यप्रसाद अधिकारीले समीक्षा गर्नुभएको थियो । देवघाट क्षेत्रको ऐतिहासिक पुरातात्विक पहिचानसहित विभिन्न साहित्यिक रचना समावेश गरिएको मुखपत्रको प्रधान सम्पादक इन्द्रप्रसाद रेग्मी, कार्यकारी सम्पादक कपिल अज्ञात तथा सम्पादक मुरलीधर घिमिरे हुनुहुन्छ ।
विमोचन कार्यक्रममा चितवन तनहुँ, तथा नवलपरासीका साहित्यकारहरुको उपस्थिति थियो । कार्यक्रम क्षेत्र विकास समितिका अध्यक्ष खिमलाल भण्डारीको अध्यक्षतामा सम्पन्न भएको थियो ।