नमुना समुदाय बनाउन योजना तयार

दिव्यनगर । कालिका सामुदायिक महिला विकास केन्द्र माडीले सञ्चालन गरिरहेको ‘सक्षम’ परियोजनाअन्तर्गत शुक्रबार दिव्यनगर गाविस–२ मा एकीकृत योजनाका लागि नमुना समुदाय बनाउने उद्देश्यले समुदायकै संलग्नतामा संयुक्त योजना तयार गरिएको छ ।
समुदायमा मदिरा निषेधित गर्दै एकआपसमा शंका रहित वातावरण सिर्जना गर्ने र बेरोजगारहरुलाई उद्यमी बनाउन सीप विकास तालिमहरु सञ्चालन गर्न सकिएमा मात्र लैंगिक हिंसा कम हुने कुरामा कार्यक्रममा जोड दिइएको थियो । कार्यक्रममा केयर नेपालकी बन्दना खाँड र महिला विकास कार्यालयकी पार्वती पौडेलले बोल्नुभएको थियो भने कार्यक्रमको सहजीकरण परियोजना अधिकृत कृष्ण पन्तले गर्नुभएको थियो ।