अब १३० रेडियो थपिने

१८ भदौ, काठमाण्डौं । सरकारले एकसय ३० रेडियोलाई सञ्चालनका लागि सिफारिस गरेको छ । गत आर्थिक वर्षमा थप रेडियो सञ्चालनका लागि १ सय ३० रेडियोलाई सञ्चालन सिफारिस गरिएको हो । दुर्गम तथा रेडियोको संख्या कम भएका जिल्लामा एफएम सञ्चालन गर्न सूचना तथा सञ्चार मन्त्रालयको प्राविधिक टोलीले रेडियो सञ्चालन गर्न सिफारिस गरेको हो ।

उपत्यका र देशका प्रमुख सहरबाहेका स्थानमा फ्रिक्वेन्सी खाली रहेकाले अनुमित दिन सकिने भन्दै सूचना तथा सञ्चार मन्त्रालयले सिफारिस गरेको हो । सिफारिस लिएका मध्ये ७० रेडियोले सञ्चालन अनुमति पत्र (लाइसेन्स) समेत लिएको मन्त्रालयले जनाएको छ ।

अहिलेसम्ममा ६ सय भन्दा धेरै रेडियोलाई सञ्चालनका लागि सिफारिस गरिएको र चारसय ७६ वटा रेडियोले प्रसारण अनुमतिपत्र लाइसेन्स लिएको मन्त्रालयको अनगमन शाखाका विभागीय इन्जिनियर गौरब गिरीले जानकारी दिएका छन् । चार सय भन्दा धेरैले परिक्षण सुरु गरेको पनि उनले बताए ।