lumbini 24 barsama

बुटवल पुस ११ | सिद्धार्थ पब्लिकेशनद्वारा प्रकाशित दैनिक लुम्बिनी बुटवल २४ बर्षमा प्रबेश गरेको छ । २४ औं बर्षगांठको अवसरमा पत्रिकाले आज कार्यालयमै चियापान तथा भेटघाटको आयोजना गरेको थियो । पत्रिकाका अध्यक्ष एम बि बिश्बकर्माको संचालनमा भएको कार्यक्रमका बोल्दै अध्यक्ष बिकले पत्रिकालाई अझै स्तरिय बनाउने बताउदै त्यसका लागि सबैले सहयोग पु¥याउन आग्रह गर्नुभयो । उक्त अवसरमा लिखित शुभकामना दिदै सहभागिहरुले पत्रिकालाई अझै स्तरिय र पठनिय बनाउन आग्रह गरेका थिए । उनिहरुले मोफसलको पत्रकारितालाई केन्द्र संग जोडेर पत्रकारिताको सिंगो बिकासका लागि निरन्तर लागेको भन्दै प्रशंसा समेत गरेका थिए । मोफसलमा निजि क्षेत्रबाट प्रकाशित यो पत्रिका सबैभन्दा जेठो हो । कार्यक्रममा पत्रिकाका शेयर सदस्य,  बिभिन्न संघसंस्थाका प्रतिनिधी, लेखक, पत्रकारहरु तथा  सहयोगीहरुको उपस्थिती रहेको थियो ।