पुस २५ देखि चितवन महोत्सव

नारायणगढ । प्रत्येक दुई÷दुई वर्षमा हँुदै आएको चितवन महोत्सव आगामी पुस २५ गतेदेखि माघ ५ गतेसम्म हुने भएको छ ।
चितवन जिल्लाको समग्र आर्थिक एवम् सामाजिक कला, संस्कृतिको समुन्नत विकासको लागि आयोजना गरिँदै आएको महोत्सव यस पटक विगतभन्दा पृथक ढंगले आयोजना हुन लागेको आयोजकले जनाएको छ ।
उद्योग वाणिज्य संघ चितवन, जिल्ला विकास समिति, भरतपुर नगरपालिका, रत्ननगर नगरपालिका र रत्ननगर उद्योग वाणिज्य संघको संयुक्त आयोजना महोत्सव हुनेछ । महोत्सव यस पटक नवौं हो । महोत्सव सम्पन्न गर्न आयोजक संस्थाहरुको बैठकले उद्योग वाणिज्य संघ चितवनका अध्यक्ष डा.तिलचन्द्र भट्टराईलाई मूल संयोजकको रुपमा चयन गरेको छ ।