२६
असार, काठमाण्डौं । नेकपा-माओवादीका रणनीतिकार मानिने सचिव नेत्रविक्रम
चन्दले आफ्नो पार्टीसँग२० देखि २२ हजार जनमुक्ति सेना रहेको दाबी गर्दै
यसैबर्ष अर्को छापामार युद्ध थाल्ने बताउनुभएको छ । २०६९ पुससम्म पार्टी
महाधिबेसन र त्यसपछि युद्ध गर्ने चन्दको दाबी छ ।
‘केन्द्रीय सत्ता कब्जा गर्ने पार्टीको
मूल नीतिमा कुनै परिर्वत गरिएको छैन,’ सुर्खेतमा आयोजित नेकपा-माओवादी भेरी
कर्णाली राज्य समिति स्तरीय कार्यकर्ता भेला तथा प्रशिक्षण कार्यक्रममा
चन्दले ‘अबको हाम्रो मुख्य योजना केन्द्रदेखि गाउँसम्म पार्टी संगठन
सुद्धीकरण हो,’ भन्नुभयो ।
चन्दले पार्टी फुट्नुको मुख्य कारण,
पार्टीको भावि रणनीति र कार्य दिशाका बारेमा पनि कार्यकर्ताहरुलाई जानकारी
गराउनुभएको खबर नागरिक दैनिकले छापेको छ । नयाँ माओवादीभित्र राजनीतिक लाइन
के हुने भन्ने अन्यौल रहेको र छापामार युद्ध थाल्ने कि जनबिद्रोहमा जोड
दिने भन्नेमा बिबाद भइरहेका बेला चन्दको छापामार युद्ध थाल्ने घोषणा बाहिर
आएको हो ।
No comments:
Post a Comment
Thanx for your comment