काठमाडौं, जेठ १७ -अन्तिम समयमा धोका पाएको औंल्याउँदै एमालेका आदिवासी जनजाति, मधेसी नेताहरू पार्टी छाड्ने मनस्थितिमा पुगेका छन्। विघटित संविधानसभाका केही सभासद्ले पार्टीबाट राजीनामासमेत दिएका छन्।पार्टी नेतृत्व पंक्तिबाटै आफूहरू अपहेलित भएको ठहर गर्दै उनीहरूले पार्टीप्रति वितृष्णा पोखेका छन्। पार्टीभित्र जातीय, क्षेत्रीय वितन्डा मच्चाउन नभई अधिकारको वकालत गर्दा नेतृत्वबाट धोका पाएकाले पार्टीमा रहने-नरहनेबारे छलफल भइरहेको उनीहरूले बताए। एमाले तर्फबाट २६ मनोनितमा परेका नेपाल आदिवासी जनजाति महासंघका पूर्वअध्यक्ष पासाङ शेर्पाले सोमबार कुनै निकायमा नरहने गरी पार्टी परित्याग गरेका छन्। शेर्पा एमालेे विदेश विभाग सदस्य तथा पार्टीकै लोकतान्त्रिक आदिवासी जनजाति महासंघका महासचिव थिए। 'आदिवासी जनजातिको कुरा उठाउँदा चार वर्षसम्म धेरै आरोप खाएँ, अपहेलित भएँ। अन्तिम समयमा झन अनेक अरोप खाइयो। एमालेले अधिकार दिन मानेन। त्यस्तो पार्टीमा बस्न मलाई उचित लागेन,' शेर्पाले भने। पार्टी स्थायी कमिटी बैठकपछि मंगलबार अध्यक्ष झलनाथ खनालले 'राष्ट्रिय लोकतान्त्रिक एकता मोर्चा'को नारा लिइरहेको बेला पार्टीभित्रका आदिवासी जनजाति तथा मधेशी नेताहरू वेचैन बनेका छन्। 'सबैखाले अतिवादका चुनौतीको सामना गर्न तथा राष्ट्रिय एकता र साम्प्रदायिक सद्भावविरुद्धका गतिविधि निस्तेज बनाउन सबै लोकतन्त्रवादी र देशभक्त शक्तिलाई 'राष्ट्रिय लोकतान्त्रिक एकता मोर्चा'को माध्यमबाट एकताबद्ध भई अघि बढ्नसमेत हार्दिक आह्वान गर्दछ,' अध्यक्ष खनालद्वारा जारी विज्ञप्तिमा छ। अधिकार माग्दा अन्तिम समयमा पार्टीबाट विश्वासघात भएको पोलिटब्युरो सदस्य रामचन्द्र झाले नागरिकसँग बताए। 'पार्टीप्रति विश्वास टुटेको छ। अधिकारका लागि अन्तिम उत्कर्षमा पुग्दा पार्टीले धोका दियो। पार्टीप्रति भरोसा छैन,' झाले भने। पार्टीमै रहने वा बाहिरिनेबारे छलफल हुन बाँकी रहेको अर्का पोलिटब्युरो सदस्य पृथ्वी सुब्बा गुरुङले बताए। 'पार्टीभित्र लडाइँ जारी छ। चुनाव घोषणा भइसकेकाले त्यो बेला मुद्दा कसरी उठ्नेबारे छलफल हुनसक्छ। पार्टीमै रहने वा नरहनेबारे छलफल भएको छैन,' गुरुङले भने। आदिवासी जनजाति, मधेसी, अल्पसंख्यकका अधिकारको विषय उठाउँदा आफूहरूलाई माओवादीपरस्त भएको आरोप लगाएकोमा शेर्पाले आक्रोश पोखे। 'अधिकारको कुरा गर्दा कसैसँग मुद्दा मिल्यो होला। हामीलाई माओवादीपरस्त भयो भन्ने नेतृत्वपंक्ति पनि कमल थापा, चित्रबहादुर केसी परस्त भए,' शेर्पाले भने। पार्टी नेतृत्वसँग मन मिल्न गाह्रो भएको बताउँदै झाले भने, 'अर्न्तसंघर्षसँगै यति लामो समय पार्टीमा बसियो। यो संस्थालाई छाड्दा केही पीडा हुन्छ। अहिले नेतृत्वपंक्ति छलफल गर्न आएको छैन। दोस्रो पंक्तिबाट फकाउने काम गरिरहेका छन्।' पार्टीको पहिलो नेतृत्वसँग कुनै छलफल नभए पनि दोस्रो तहका नेताले पहल जारी राखेका छन्। पोलिटब्युरो सदस्य तथा प्रचार विभाग प्रमुख प्रदीप ज्ञवालीले भने, 'जातीय सवाल पार्टीमा गम्भीर रूपमा उठेको छ। यो समाधान हुन्छ। पहल लिइरहेका छौं।' विघटित संविधानसभाको अन्तिमकालमा पार्टीभित्र पहिचानको लडाइँ उत्कर्षमा पुग्नु दुई अति भएको टिप्पणी युवा नेता रवीन्द्र अधिकारीले बताए। 'पार्टीले पहिले उठाएका मुद्दापछि हल गर्न सकेन। असन्तुष्टि व्याप्त छ। यो जातीय आँखाले हेर्ने दुई पक्षको जातीय उन्मादको परिणाम हो,' अधिकारीले भने। आदिवासी जनजाति, मधेशीले उठाएको अधिकारको माग र पार्टीपंक्तिमा उनीहरूको मागका विरूद्ध गरिने व्यवहार 'दुई अति'का रूपमा आएको उनले बताए। 'दुई अतिले नेपालमा जातीयद्वेष फैल्याउने मनोविज्ञानलाई बढावा दिएको छ,' अधिकारीले भने। सबै उत्पीडित जाति, वर्ग, भाषा, संस्कृतिलाई उत्थान गरेर सामाजिक न्याय दिई अरुसरह बनाउने पार्टी नीतिलाई सही ढंगले समाधान गर्न नेतृत्वपंक्तिले पहल लिनुपर्ने उनले बताए।

vie: nagriknews
काठमाडौं, जेठ १७ -अन्तिम समयमा धोका पाएको औंल्याउँदै एमालेका आदिवासी जनजाति, मधेसी नेताहरू पार्टी छाड्ने मनस्थितिमा पुगेका छन्। विघटित संविधानसभाका केही सभासद्ले पार्टीबाट राजीनामासमेत दिएका छन्।पार्टी नेतृत्व पंक्तिबाटै आफूहरू अपहेलित भएको ठहर गर्दै उनीहरूले पार्टीप्रति वितृष्णा पोखेका छन्।
पार्टीभित्र जातीय, क्षेत्रीय वितन्डा मच्चाउन नभई अधिकारको वकालत गर्दा नेतृत्वबाट धोका पाएकाले पार्टीमा रहने-नरहनेबारे छलफल भइरहेको उनीहरूले बताए।
एमाले तर्फबाट २६ मनोनितमा परेका नेपाल आदिवासी जनजाति महासंघका पूर्वअध्यक्ष पासाङ शेर्पाले सोमबार कुनै निकायमा नरहने गरी पार्टी परित्याग गरेका छन्। शेर्पा एमालेे विदेश विभाग सदस्य तथा पार्टीकै लोकतान्त्रिक आदिवासी जनजाति महासंघका महासचिव थिए।
'आदिवासी जनजातिको कुरा उठाउँदा चार वर्षसम्म धेरै आरोप खाएँ, अपहेलित भएँ। अन्तिम समयमा झन अनेक अरोप खाइयो। एमालेले अधिकार दिन मानेन। त्यस्तो पार्टीमा बस्न मलाई उचित लागेन,' शेर्पाले भने।
पार्टी स्थायी कमिटी बैठकपछि मंगलबार अध्यक्ष झलनाथ खनालले 'राष्ट्रिय लोकतान्त्रिक एकता मोर्चा'को नारा लिइरहेको बेला पार्टीभित्रका आदिवासी जनजाति तथा मधेशी नेताहरू वेचैन बनेका छन्।
'सबैखाले अतिवादका चुनौतीको सामना गर्न तथा राष्ट्रिय एकता र साम्प्रदायिक सद्भावविरुद्धका गतिविधि निस्तेज बनाउन सबै लोकतन्त्रवादी र देशभक्त शक्तिलाई 'राष्ट्रिय लोकतान्त्रिक एकता मोर्चा'को माध्यमबाट एकताबद्ध भई अघि बढ्नसमेत हार्दिक आह्वान गर्दछ,' अध्यक्ष खनालद्वारा जारी विज्ञप्तिमा छ।
अधिकार माग्दा अन्तिम समयमा पार्टीबाट विश्वासघात भएको पोलिटब्युरो सदस्य रामचन्द्र झाले नागरिकसँग बताए। 'पार्टीप्रति विश्वास टुटेको छ। अधिकारका लागि अन्तिम उत्कर्षमा पुग्दा पार्टीले धोका दियो। पार्टीप्रति भरोसा छैन,' झाले भने।
पार्टीमै रहने वा बाहिरिनेबारे छलफल हुन बाँकी रहेको अर्का पोलिटब्युरो सदस्य पृथ्वी सुब्बा गुरुङले बताए। 'पार्टीभित्र लडाइँ जारी छ। चुनाव घोषणा भइसकेकाले त्यो बेला मुद्दा कसरी उठ्नेबारे छलफल हुनसक्छ। पार्टीमै रहने वा नरहनेबारे छलफल भएको छैन,' गुरुङले भने।
आदिवासी जनजाति, मधेसी, अल्पसंख्यकका अधिकारको विषय उठाउँदा आफूहरूलाई माओवादीपरस्त भएको आरोप लगाएकोमा शेर्पाले आक्रोश पोखे। 'अधिकारको कुरा गर्दा कसैसँग मुद्दा मिल्यो होला। हामीलाई माओवादीपरस्त भयो भन्ने नेतृत्वपंक्ति पनि कमल थापा, चित्रबहादुर केसी परस्त भए,' शेर्पाले भने।
पार्टी नेतृत्वसँग मन मिल्न गाह्रो भएको बताउँदै झाले भने, 'अर्न्तसंघर्षसँगै यति लामो समय पार्टीमा बसियो। यो संस्थालाई छाड्दा केही पीडा हुन्छ। अहिले नेतृत्वपंक्ति छलफल गर्न आएको छैन। दोस्रो पंक्तिबाट फकाउने काम गरिरहेका छन्।'
पार्टीको पहिलो नेतृत्वसँग कुनै छलफल नभए पनि दोस्रो तहका नेताले पहल जारी राखेका छन्। पोलिटब्युरो सदस्य तथा प्रचार विभाग प्रमुख प्रदीप ज्ञवालीले भने, 'जातीय सवाल पार्टीमा गम्भीर रूपमा उठेको छ। यो समाधान हुन्छ। पहल लिइरहेका छौं।'
विघटित संविधानसभाको अन्तिमकालमा पार्टीभित्र पहिचानको लडाइँ उत्कर्षमा पुग्नु दुई अति भएको टिप्पणी युवा नेता रवीन्द्र अधिकारीले बताए। 'पार्टीले पहिले उठाएका मुद्दापछि हल गर्न सकेन। असन्तुष्टि व्याप्त छ। यो जातीय आँखाले हेर्ने दुई पक्षको जातीय उन्मादको परिणाम हो,' अधिकारीले भने।
आदिवासी जनजाति, मधेशीले उठाएको अधिकारको माग र पार्टीपंक्तिमा उनीहरूको मागका विरूद्ध गरिने व्यवहार 'दुई अति'का रूपमा आएको उनले बताए। 'दुई अतिले नेपालमा जातीयद्वेष फैल्याउने मनोविज्ञानलाई बढावा दिएको छ,' अधिकारीले भने।
सबै उत्पीडित जाति, वर्ग, भाषा, संस्कृतिलाई उत्थान गरेर सामाजिक न्याय दिई अरुसरह बनाउने पार्टी नीतिलाई सही ढंगले समाधान गर्न नेतृत्वपंक्तिले पहल लिनुपर्ने उनले बताए।