काठमाडौ, असार ७ – नेकपा एमालेका असन्तुष्ट मधेसी र जनजाति नेताहरुले
तत्कालका लागि पार्टीमै बसेर संघर्ष गर्ने निर्णय गरेका छन् । काभ्रेको
धुलिखेलमा चलिरहेको मधेसी र जनजाति नेताहरुको भेलामा एमालेकै कारण
संविधानसभा भंग भएको निष्कर्ष निकालेको नेता राजेन्द्र श्रेष्ठले बताउनुभयो
।
सकभर पार्टीमै बसेर मागहरुको सुनुवाई गराउने, नभएमा नयाँ पार्टी गठन
लगायतका विकल्प खुल्ला रहेको श्रेष्ठको भनाई छ । केन्द्रीय समितिमा रहेका
झण्डै २० जना सहभागी रहेको भेलाले नेतृत्व सही मार्ग सम्बोधन गर्ने कुरामा
सकारात्मक नभएको निष्कर्ष पनि निकालेको छ ।
असन्तुष्ट नेता श्रेष्ठले एमाले नयाँ सामन्तको पार्टीमा रुपान्तरण हुँदै गएकाले संगै बस्ने सम्भावना कम हुँदै गएको बताउनुभयो ।
यसैबीच पछिल्लो राजनीतिक अवस्थाका विषयमा छलफल गर्न बिहीबारदेखि एमाले
केन्द्रीय कमिटी बैठक बस्दैछ । समसामयिक राजनीतिक अवस्था, मधेसी तथा जनजाति
नेताहरुको असन्तुष्टी र भेलाबाट पारित दस्तावेजलाई अन्तिम रुप दिन दिउँसो
१२ बजे केन्द्रीय कमिटी बैठक बस्ने सचिव विष्णु पौडेलले जानकारी दिनुभयो ।
vie. unn
No comments:
Post a Comment
Thanx for your comment