नदी किनारको सरसफाइ

नारायणगढ । नारायणी टोल विकास संस्था र सम्झना टोल विकास संस्थाको आयोजनामा नारायणी नदी किनारमा सरसफाइ गरिएको छ ।
भरतपुर सशस्त्र प्रहरी बल आँपटारीका प्रहरी निरीक्षक आरपी खनालको नेतृत्वमा ३० जना प्रहरीको उपस्थितिमा सरसफाइ कार्यक्रम भएको थियो । सरसफाइमा नारायणी टोलका अध्यक्ष शुक्रकुमार श्रेष्ठ, सम्झना टोलका दीपक शाही ठकुरीसहित सम्पूर्ण कार्यसमिति र टोलवासीहरु सहभागी थिए । लीलाचोकबाट पुलचोकसम्मको नदी किनारमा सरसफाइ गरिएको थियो ।