मापसे गर्ने दुई कारबाहीमा

भरतपुर ।  जिल्ला प्रहरी कार्यालय चितवनले मादक पदार्थ सेवनविरुद्ध चलाएको अभियान जारी राखेको छ ।
पछिल्लो समय सोमबार राति सञ्चालित यो अभियानअन्तर्गत जिल्लाका विभिन्न स्थानबाट मादक पदार्थ सेवन गरेका दुई जना चालकलाई प्रहरीले पक्राउ गरी कारबाही गरेको छ ।
यस्तै,जिल्ला प्रहरी र ट्राफिक प्रहरी चितवनको संयुक्त चेकजाँचको क्रममा सवारी नियम उल्लंघन गर्ने सवारी चालकहरुबाट सोमबार मात्रै १८ हजार २ सय ५० राजस्व संकलन भएको प्रहरीले जनाएको छ ।