नेपाली राजनीतिमा बेलाबेला चर्चामा आउने ’कू’ शब्दलाई लिएर चलचित्र नै निर्माण हुने भएको छ । यो सिनेमालाई निर्देशक रमेश बुढाथोकीले निर्देशन गर्न लागेका हुन् । उनले यो सिनेमा गोपीकृष्ण मुभिजसँग मिलेर तयार पार्न लागेको बुझिएको छ ।
‘कू’ सिनेमामा अधिकांश नयाँ कलाकार हुने निर्देशक बुढाथोकीले बताएका छन् ।
रोचक विषय त के छ भने कू नामको सिनेमा कृष्ण धाराबासीको चर्चित कृति ‘झोला’माथि आधारित रहेर तयार हुने श्रोतले बताएको छ । निर्देशक बुढाथोकीले यो सिनेमा पौराणिक खालको हुने र ऐतिहासिक हुने बताएका छन् । धारावासीको झोला नामक कृति निकै चर्चित भएको थियो । यही झोलाभित्र समावेश बिभिन्न पाटाहरु सिनेमामा समावेश हुनेछन् । चलचित्रको कथा झोलाका लेखक कृष्ण धारावासीले नै लेखिरहेको निर्देशक बुढाथोकीले बताएका छन् ।
यो सिनेमामा सबै नया कलाकार रहेको जानकारी प्राप्त भएको छ । चलचित्रमा रमेश बुढाथोकीले संवाद र पटकथा लेख्नेछन् । चलचित्रको छायांकन साउनबाट सुरु हुने भएको छ । नेपालमा चर्चित कृतिमाथि आधारित रहेर कमै मात्र सिनेमा बनेको पाईन्छ । यसअघि मुनामदन, बसाईं जस्ता चर्चित कृतिमा आधारित रहेर बनाइएका सिनेमाले खासै चर्चा पाउन सकेनन् ।
vie : onlinekhabar
No comments:
Post a Comment
Thanx for your comment