प्रहरीको अभियानले मापसेमा कमी

भरतपुर ।  मापसे अभियान प्रभावकारी भएपछि रातिको समयमा मादक पदार्थ सेवन गरी सवारी चलाउनेको संख्यामा कमी आएको छ । प्रहरी सक्रियता बढेसँगै मादक पदार्थ सेवन गरेर सवारीसाधन चलाउनेको संख्यामा कमी भएको प्रहरीले बताएको छ ।
पछिल्लो पटक चितवन प्रहरीले मादक पदार्थ सेवनविरुद्ध चलाएको अभियानअन्तर्गत मंगलबार राति एक जना पक्राउ गरेको छ । प्रहरीका अनुसार सुरूसुरूका दिनमा कारबाही पर्नेको संख्या बढेको भएपनि अहिले क्रमशः घट्दै गएकाले मादक पदार्थ सेवन गरेर सवारीसाधन चलाउनेको संख्या घटेको अनुमान गरिएको हो ।
यस्तै मंगलबार प्रहरी र ट्राफिक प्रहरीकोे संयुक्त चेकजाँचको क्रममा सवारी नियम उल्लंघन गर्ने सवारी चालकहरुबाट १५ हजार ५० रुपैयाँ राजस्व संकलन गरिएको छ ।