१ सय १५ वर्षमा पारापाचुके

१ सय १५ वर्षे सुखद वैवाहिक जिवनलाई टुंगाउँदै अन्तत एक जोडीले पारापाचुके गर्ने भएको छ । विश्वको सबैभन्दा लामो वैवाहिक जोडी मानिएको बीबी र पोल्दीको जोडी बुढेसकालमा आएर छुट्टनिे भएको हो । एक सताब्दीभन्दा लामो दाम्पत्य जिवनका क्रममा ठाकठुक नभएपनि उत्तरार्द्धमा यो जोडीले एक अर्कालाई देख्नै नसहने गरी मनमुटाव बढेपछि अन्ततः छुट्टनि करै लाग्यो ।

समाचार पढ्दा अचम्म लाग्नसक्छ र पत्यार नलाग्न पनि सक्छ । तर नपत्याएर के गर्नु ? आखिर यथार्थ यहीँ नै हो । यद्यपि यो घटना कुनै मानव जोडीको भने नभएर कछुवाको जोडीको हो ।

बीबी र पोल्दी नामका ती भाले-पोथी कछुवा अस्टि्रयाको चिडियाखानामा सँगै राखिएको थियो । स्विजरल्याण्डको बासेल चिडियाखाना जन्मेका उनीहरुलाई पछि अस्टि्रयाको क्लागेनर्फटमा ल्याइएको हो । तर पछिल्लो समयमा यी दुइ एक अर्कालाई सहनै नसक्ने गरी झगडा गर्न थालेपछि चिडियाखानाको व्यवस्थापकले उनीहरुलाई छुट्टाउने निर्णय गरेको हो ।

उनीहरु बुढेसकालमा किन झगडा गर्न थाले भन्ने कारण भने अझै पत्ता लाग्न सकेको छैन । उनीहरुबीच मिलाप होस् भने जिव विज्ञहरुले धेरै प्रयास गरेपनि सफल हुन सकेन । जिव विज्ञहरुले उनीहरु यौनक्रिडामा लिप्त भएर दुस्मनी भुलुन् भन्ने हेतुले यौनबर्धक औषधी पनि खुवाए, तर छिप्पिसकेका दुवैलाई त्यसले कुनै असर पारेन ।
vie online khabar