काठमाण्डौं । एक बृद्ध अर्काको बुई चढेर
बुधबार दिउँसो जिल्ला विकास समितिको कार्यालय सिन्धुली पुगे । ‘ए बा
अस्पताल यता हैन्, यो त जिविस हो,’ ती बृद्धलाई विरामी ठानेर जिविसका एक
कर्मचारीले परैबाट कराए ।
भुवनेश्वरी गाविस सिन्धुलीमाढीका ७९
बर्षीय डम्बरबहादुर सार्कीलाई ती कर्मचारीले सोचे जस्तो बाटो विराएर जिविस
पुगेका थिएनन् । न त उनी विरामी भएर उपचार गराउन सदरमुकाम गएका थिए ।
सरकारले जेष्ठ नागरिकहरुलाई दिँदै आएको
बृद्ध भत्ता गाविस सचिवले नदिएपछि डम्बरबहादुर भत्ता माग्दै जिविस पुगेको
खबर आजको अन्नपूर्ण पोष्ट दैनिकले छापेको छ । आफुले विगत चार महिनादेखि
भत्ता नपाएको भन्दै उनले स्थानिय विकास अधिकारीलाई गुनासो गरेका थिए ।
तत्काल भत्ता उपलब्ध गराईदिन पनि उनले माग गरेका छन् ।
उनको गुनासो सुनेपछि स्थानिय विकास
अधिकारी धु्रबहादुर खड्काले जिविसका पञ्जिकाधिकारीलाई बोलाएर गाविस सचिव
रुपलाल देवकोटा कता छन पत्ता लगाई तत्काल भत्ताको व्यवस्था गर्न निर्देशन
दिएका थिए ।
डम्बरबहादुरको भत्ता भने सचिव देवकोटाले पहिलेनै झिकेको पाईएकाले उनलाई कारबाही हुने जिविसले जनाएको छ ।
No comments:
Post a Comment
Thanx for your comment