गोहीको उद्धार

कावासोती । नारायणी नदीको बाढीले बगाएर ल्याएको एउटा घडियाल गोहीलाई स्थानीयवासीले उद्धार गरेका छन् ।
नवलपरासीको नारायणी–६ मा रहेको खेतको कुलामा फेला परेको अन्दाजी १० किलोको घडियालको बच्चालाई स्थानीयवासी मानसिंह महतो र रामबहादुर महतोले उद्धार गर्नुभएको थियो ।
गोहीको बच्चालाई उद्धार गरी अमलटारीमा रहेको नेपाली सेनाको रणदल गुल्ममार्फत चितवन राष्ट्रिय निकुञ्जलाई बुझाइएको नन्दभाउजू मध्यवर्ती उपभोक्ता समितिका अध्यक्ष श्रीधर शर्माले जानकारी दिनुभयो ।