सुनको मूल्यमा अहिलेसम्मकै उच्च

काठमाडौँ । नेपाली बजारमा सुनको मूल्यमा अहिलेसम्मकै उच्च वृद्धि भई आज रु ५९ हजार १९४ पुगेको छ ।
पछिल्लो सातादेखि सोको मूल्य वृद्धि हुनेक्रम जारी छ । नेपाल सुनचाँदी व्यवसायी सङ्घले गत साताको तुलनामा आज छापावाला सुनको मूल्यमा प्रतितोला रु एक हजार ५९४ले वृद्धि भएको जनाएको छ । गत साता प्रतितोला रु ५७ हजार ६०० मा कारोबार भएको पहेँलो धातुको मूल्य एकसाताको बीचमा पटकपटक मूल्य वृद्धि भई आज रु ५९ हजार १९४ मा कारोबार भएको छ ।

त्यसैगरी तेजाबी सुनको मूल्य प्रतितोला रु ५८ हजार ९४४ कायम भई बजारमा कारोबार भएको छ । सोको मूल्य अघिल्लो साता रु ५७ हजार ३५० थियो । चाँदीको मूल्य गत साता प्रतितोला रु एक हजार ३५ रहेकामा आज रु १० ले कमी भई रु एक हजार २५ मा कारोबार भएको छ ।