दुर्घटनामा सहचालकको मृत्यु

भरतपुर । पूर्वी चितवनको पिप्लेमा सोमबार दिउँसो ट्र्याक्टर पल्टिँदा सहचालकको मृत्यु भएको छ । अन्य एक जना घाइते भएका छन् ।
राप्ती नदीबाट ढुङ्गा बोकेर बस्तीतर्फ आउँदै गरेको ना ३ त ४११६ नम्बरको ट्र्याक्टर पिप्ले गाविस–१ जितपुरमा पल्टिँदा सोही गाविसको सुन्दरबस्ती बस्ने ट्र्याक्टरका सहचालक २२ वर्षीय महिराम दराईको मृत्यु भएको हो ।
सोही ट्र्याक्टरमा रहेका सुन्दरबस्तीकै अनिल दराई सामान्य घाइते भएको र स्थानीय मेडिकलमा उपचार भइरहेको जिल्ला प्रहरी कार्यालय चितवनले जनाएको छ । ट्र्याक्टर अनियन्त्रित भई दिउँसो जितपुरको राप्ती बाँधको ओरालोमा दुर्घटना भएको थियो । घटनापछि चालक फरार रहेको प्रहरीले जनाएको छ ।