Monday, September 24, 2012

विद्यार्थीद्वारा थप आन्दोलनको घोषणा

भरतपुर । संयुक्त विद्यार्थी संघर्ष समिति चितवनले पेट्रोलियम पदार्थको मूल्यवृद्धिको विरोध र शैक्षिक आन्दोलनको कार्यक्रमलाई सँगसँगै लैजाने निर्णय गरेको छ । सोही निर्णयबमोजिम आन्दोलनका कार्यक्रम घोषणा भएको छ ।
संघर्ष समितिको सोमबार बसेको बैठकले थप आन्दोलनको कार्यक्रम पनि घोषणा गरेको छ । आन्दोलनका कार्यक्रमअन्तर्गत सोमबारै वीरेन्द्र बहुमुखी क्याम्पस र रामपुर क्याम्पसमा कालो झन्डा गाडी विरोध सभा गरेको नेविसंघका जिल्ला अध्यक्ष उत्तम जोशीले जानकारी दिनुभयो ।
आज मंगलबार लोडसेडिङको विरोधमा भरतपुर विद्युत प्राधिकरण अगाडि धर्ना दिने, १० गते साँझ पुल्चोकमा कोणसभा गर्ने, ११ गते १० बजे एक घन्टा जिल्ला शिक्षा कार्यालयमा धर्ना दिने र १२ गते जिल्ला प्रशासनमा धर्ना दिने कार्यक्रम रहेको संघर्ष समितिले जनाएको छ ।


No comments:

Post a Comment

Thanx for your comment

नमस्ते विहानी प्रवेश गरेर दिन सुरुवात गर्ने हरुको संख्या

नमस्ते विहानी