पहिलो पटक माडीमा महोत्सव हुने

माडी । माडीमा पहिलो पटक महोत्सव हुने भएको छ । फागुनमा प्रथम माडी महोत्सव सञ्चालन गर्न तयारीसमेत सुरू गरिएको छ ।

‘माडीको विकास हाम्रो अभियान, कृषि र पर्यटन हाम्रो पहिचान’ भन्ने नाराका साथ महोत्सव सञ्चालन गर्न लागिएको हो । माडीका चारवटै गाविस, त्यहाँ रहेका चारवटै मध्यवर्ती कार्यालय, चारवटा पर्यटन समिति र स्थानीय रेडियोको संयुक्त आयोजनामा महोत्सव सञ्चालन गरिने आयोजक प्रतिनिधि श्रीप्रसाद दवाडीले जानकारी दिनुभयो ।