सौराहामा रोनाल्डो देखियो

माडी क्षेत्रमा धु्रबे नामको जंगली हात्तीले आतङ्क फैलाइरहेका बेला पूर्वी चितवनको बछौली हात्तीसार र राष्ट्रिय प्रकृति संरक्षण कोषको कार्यालयनजिक रोनाल्डो नामक अर्को जंगली हात्ती देखिएको छ ।

रोनाल्डो बाहिर आएपछि निकुञ्जले स्थानीय बासिन्दालाई सर्तक रहन आग्रहसमेत गरेको छ । चितवन राष्ट्रिय निकुञ्जबाट आएको सो हात्ती बिहान १० बजेको समयमा यस क्षेत्रमा देखा परेको चितवन राष्ट्रिय निकुञ्ज पूर्वी सेक्टर कार्यालयका प्रमुख एवम् सहायक संरक्षण अधिकृत अमिर महर्जनले जानकारी दिनुभयो ।

रोनाल्डो प्रजनन्को लागि मह¤वपूर्ण जंगली हात्ती हो । चितवनमा रहेका सरकारी हात्तीहरुले रोनाल्डोको संसर्गबाट बच्चा जन्माउने गरेका छन् । सो हात्ती त्यही आसपास हुन सक्ने भएकाले स्थानीयलाई त्यस क्षेत्रमा नजान र जंगलमा घाँस दाउरा गर्न पनि नजान निकुञ्जले सतर्क गराएको उहा“ले बताउनुभयो ।