BHANU ARYAL
परिवारले उसको बिचार मा गोली दाग्यो,समाजले उसको स्वतन्त्रतामा
तारो लगायो,
ठेकेदारले उसलाई अपजसे बनाएर
हातहरुमा गोली मार्यो,
समयले उसलाई छिर्के हान्यो
र अनगिन्ति गोली
ठोक्यो खुट्टाहरुमा,
प्रेमीकाले उसलाई 'रानीमहल' देखाई
र थुकि
अनि उसको भावनालाई
प्वाईन्ट ब्लाकं रेञ्जमा शुट गरी,
अनी सत्ताले उसको
अहिसां बिरुद्ध
छातिमा मेसिनगन चलायो ।
आज उसको दाह-संस्कार
सल्ला, पिपल र सति-साल
अग्निबर्षा गर्दैछन चितामा
तर.....
उसको शरिरका गोलीका प्वालहरुबाट
बिशादका बाँसुरी धुनहरु बजिरहेछन..
पर कतै शहिद-गेटबाट ओर्लेर
गंगालाल र दशरथ चन्दहरु....
धर्मभक्त र शुक्रराजहरु....
टुडीखेलमा
फेरी आत्महत्या गर्न
खरीको बोट र पासो खोजि रहेछन
हरेक संवतहरुमा
२००४, २००७, २०११, २०१७, २०३६, २०४२, २०४६, २०६३, २०......! ??
No comments:
Post a Comment
Thanx for your comment