तिम्रो लागि किनि दिएको चुरा यत्तिकै छ, सिजर्ना...............!

विधुर ढकाल
प्रेयषी सिर्जना,
लामो समयको अन्तराल पछि फेरी अर्काे पत्रमा तिम्रो सम्झनाका तरेलीहरुलाई संगाल्दै मायाका नविन पुष्प गुच्छाहरु अर्पण गर्न चाहँे स्वीकार ल.............! गाँउमा तिमी आरामै हौली अनी ति साथी सँगीहरु पनि आरामै होलान् । सबैलाई सम्झना सुनाई दिनु ल.............! ती बूढा बाबु आमा पनि त कुशलै होलान होइन् ? दमकी विरामी आमाको राम्रै ख्याल गरेकी हौली ? मेरो तर्फबाट ढोग सुनाई दिनु है ।
वर्षा याम सुरु हँदा आँउछु भनेको थिएँ, समयले दिएन् । तिमीसँग सँगै मेला जाने रहर थियो त्यो पनि पुरा हुन सकेन् । साथी सँगीहरु सँग रमाइलो गरेर मेला गयौ हौली । फेरी मेरो यादले पनि सतायो होला पुराना दिनहरुको सम्झनामा । म हली वनेर जोतिरहेको तिमी मेलामा धान रोपीरहेको पनि याद आयो होला । गाँऊबाट आएको उमेशले भन्दै थियो पाँच दिन लगाएर मेला सकियो अरे त्यो पाँच दिन मैले कल्पना मात्र गरेर विताए । कि तिम्रो यादमा म यहाँ त्यसै हराएको थिए । तिमीले रोपाइको विचबाट बाउसे गर्दाै गरेको मलाई हिलो छ्यापेको यादले म त्यसै हराँए । मैना दिनसम्म पानी र हिलोमा रम्ने हामीहरु यतीवेला सम्म कतिका मेलामा पुगेका हुन्थ्याँै होला । कतिका पर्ममा पुगेका हुन्थ्याँै हो । शहरमा परेका झरीमा युवा युवतीहरु पानी रुझ्दै रमाइरहेको देख्दा मलाई पनि तिम्रो यादले सताँउछ र एक्लै भए पनि रुझाँै रुझौँ लाग्छ ।
अनि सिर्जना तिमीलाई यो साउने सक्रातिंमा हातमा मेहेन्दी लगाइदिउँला भन्ने रहर थियो मेरो । त्यो पनि त पुरा हुन पाएन् । भन्छन यो संक्रान्तिमा सबैले हातमा मेहेन्दी लगाउनु पर्छ रे सोचेको थिए मैले पनि तिम्रो हातबाट मेहेन्दी लगाउँछु । तिम्रै नाम कोरेर त्यो पनि पुरा भएन् । भाग्यको खेला नै त होला है .............! तिमी कहाँ आज म कहाँ । त्यो गाँउमा मेरो कल्पनामा तिमी हराएकी हाँैली म यो सहरको भिडबीच म पनि एक्लै हराइरहेको छु । तिमीले भनेकी थियौ, यो साउने सक्रान्तीमा आँउदा हातै भरी पुग्ने गरि हरीयो चुरा लिएर आइदिनु भनेर । मैले पनि तिम्रा लागि भनेर हरिया काँचका चुरा किनेर राखेको थिए तर सिर्जना मेरो चाहहरु सब त्यही काँचको चुरा सरि फूटे म तिमी भएको स्थान सम्म आउन पाईन् । सोच्यौ हाँैली ‘यो सिर्जनले मलाई भुल्यो’, भनेर तर पनि म के गरु यो स्वार्थी दुनियाँको बीचोबीच आइपुगेको म फर्कने बाटा नपाउँदा आउन पाइन् । तिमीले मेरो विवशतालाई अवश्य पनि बुझ्ने छौ ।
सिर्जना मेरो रहर पनि थियो, यसपालीको सक्रन्तिमा तिमीसँगै वोलवम धाम जाने तर त्यो पनि पुरा हुन सकेन् । तिमीलाई पनि खल्लो लाग्यो होला .............! तिमी मेरो लागि भनेर साउने वर्त बसिरहेकी हौली होइन् ? सायद मेरो दिर्घायूको लागि तिमी निराहार वर्त बस्तै गर्दा म यहाँ भने तिम्रो कल्पनामा हराई रहेको हुने छु । सिर्जना, तिमीसँगै पोहोर साल वोलवम गएको सम्झदै दिन कटाइरहेको छु । अझ पनि सिर्जना मलाई याद छ ती रात जतीवेला हामी लक्ष्मणघाटको पवित्र तटमा बसेका हुन्थ्याँै । त्यो पनि याद छ सिर्जना मलाई हामी ‘श्री पर्रोहा परमेश्वर वोलवम धाममा दिन लगाएर पैदल पुगेको । तिमी लाइनमा बसेर जल चढाउँदै गरेको पनि मलाई याद छ म पारी बसेर तिमीलाइ जिस्काउँदै गरेको पनि याद छ । यी सवै पलहरु आज मेरा लागि स्मृतीका पाना पल्टिए सरि दिन विताउने साधन बनिरहेका छन् ।
कल्पनामा म हराइरहेको छु । कति रमाइला थिए है ती दिनहरु हामी सँगै तिर्थहरु गएका । आँफूलाई नास्तिक भन्ने म पनि तिमीसँग वोलवम जाँदा आस्तिक भएको पाउथँे । कहिल्यै पनि मन्दिरमा गएर शिर ननिहुराउने म तिम्रो साथमा लागेर मन्दिरको घण्ट बजाएको थिएँ मैले । सँधै बाटोमा हिड्दा नदी वा मन्दिर आए हात सिरमा लगि छाती छुनेहरुलाई मनमनै सराप्ने म, तिमीसँग वोलवम धाम जाँदा बाटोका हरेक मन्दिरमा पसेर घण्ट बजाएको छु । सिर्जनामा तिम्रो समिपमा म कति सम्म परिवर्तन हुँदो रहेछु भन्ने नमुना मात्र हो यो त मैले बाटोमा पर्ने हरेक नदीहरुमा गाँडीबाट सिक्का फाल्ने गरेको तिमीसँग हिड्दा यो आस्तिक पनमा के छ भन्ने मलाइ थाहा नहोला तर पनि सोच्छु यसमा मेरी प्रेयषीको प्रेम छ ।
शहरको गल्लीहरुमा हिड्दै गरेको मैले हरेक दिन वोलवम हिँडेका यात्रीहरुलाई देख्छु र सोच्छु मेरी सिर्जनामा पनि यही भिडमा होली मलाई बोलाँउदै । म पनि टोलाएर भिड गए तिर हेर्छु र हराँउछु तिनै पुराना दिनहरुको यादमा । म यहाँ एक्लै भए पनि त्यहाँ तिमी त हाम्रा साथीहरु सँगै यी पलहरु सँगै रमाइरहेकी हाँैली अनी यही रमाइलो विच मलाई सम्झिरहेकी हौली होइन् सिर्जना पत्र लेख्दै गर्दाको यो रातमा सिर्जना तिम्रै कल्पनामा हराइरहेको मलाई साथ दिइरहेको कुनामा बजेको रेडियो र वाहिरबाट साथ दिइरहेको छ अविरल वर्षीरहेको पानीको मिठो गुन्जनले । रेडियोमा यतीवेला यो गीत वजिरहेको छ जुन गीत तिमीले हमेसा यो मौसममा गुन्गुनाउने गथ्र्याै । ‘गोरी है कलैयाँ, तुँ ला दे मेरे हरी हरी चुडिया,आपना बनाले मुझे वालमा’, सिर्जना यो गीत आज पनि तिमी गुन्गुनाइरहेकी हौली सोच्दै छु यो रेडियोमा गुञ्जिरहेको गीत तिमी आँफैले नै गाइरहेकी छ्यौ ।
सिर्जना रातको यो मध्ये सम्म पनि म तिम्रै कल्पनामा हराइरहेको वेला तिमी पनि त्यस्तै अवस्थामा हौली हामी जहाँ जस्तो अवस्थामा रहेका छौँ हाम्रो माया भने अझ गाढा भइरहेको भान मलाई भइरहेको छ । साउनको सुरुको सोमबार म तिम्रो सामु हुन नसके पनि सकेसम्म म अन्तिम सोमबार तिमीसँगै बोलवम जान आउने कोसिस गर्ने छु । समयले साथ दियो भने अवश्य पनि फेरी यो साल पनि तिमी र सँगै वोलवम जाँउला । तिमी मन्दिरको देवहरुमा पवित्र जल चढाउली म घण्टहरु बजाइरहुँला । फेरी तिम्रा लागि भनेर किनेको हरियो चुरा पनि सँगै लिएर आँउला है त ।
रात निकै छिप्पि सके जस्तो छ सिर्जना तिमी सुत म पनि सुत्छु फेरी तिमी विहानै मेलामा जानु पनि त पर्ने होला नी होइन् । सुत्ने वेलामा एक पटक आमालाई हेर्न नभुल्नु र मेरो तर्फ देखिको माया सुनाइदिनु तिम्रो स्पर्सले । आज दमको दवाइ खुवाइ त दियाँै होला नी । आमाको चौकीमा पानी राखिदियाँै कि दिइनौँ छैनौ भने राखेर सुत ल म पनि सुतेँ ल .............!
शुभ रात्री ,
उही तिम्रो प्रिय सिर्जन,