क्रान्तिकारी पत्रकारको सम्मेलन असोजमा

भरतपुर । एकीकृत नेकपा माओवादीनिकट पत्रकारहरुको संस्था क्रान्तिकारी पत्रकार संघ नेपाल चितवन शाखाको प्रथम जिल्ला सम्मेलन असोजमा हुनेभएको छ । संघको बुधबार बसेको जिल्ला कार्यसमितिको बैठकले संघको प्रथम जिल्ला सम्मेलन असोजको ७ गते गर्ने निर्णय गरेको हो ।
त्यस्तै बैठकले संगठनको हितविपरीत कार्य गरेको भन्दै शाखा सदस्यहरु नवराज ढकाल र अनन्त सुवेदीलाई संगठनको साधारण सदस्यसमेत नरहने गरी निष्कासन गरिएको सम्मेलन आयोजक समितिका संयोजक सुरेशचन्द्र अधिकारीले जारी गरेको विज्ञप्तिमा जनाइएको छ ।
त्यस्तै बैठकले सम्मेलन तयारीका लागि केही सदस्य थप गरी १५ सदस्यीय सम्मेलन आयोजक समितिसमेत गठन गरेको छ । अधिकारीको संयोजकत्वमा गठित समितिमा विष्णु दवाडी, चिन्तामणि पौडेल, शान्ता अधिकारी, वीरबहादुर सिंजाली, सूर्य पाठक रहेका छन् ।
त्यस्तै अन्य सदस्यहरुमा अजिता अधिकारी, होमनाथ न्यौपाने, सन्तोष देवकोटा, नारायण ढुङ्गाना, प्रविण बराल, रविलाल भट्ट, ईश्वरी अधिकारी, हरिप्रसाद उप्रेती र राजेन्द्र आचार्य रहेका छन् ।
संगठनले पटकपटक सञ्चारकर्मीमाथि भएको आक्रमणको विरोध गर्दै सुरक्षाको माग पनि गरेको छ । त्यस्तै सञ्चार प्रतिष्ठानहरुलाई श्रमजीवी पत्रकार ऐन कार्यान्वन गर्नसमेत माग गरेको छ ।