उद्घाटन खेलमा सिनर्जी विजयी

गैँडाकोट । विजय एफएम गैँडाकोटले आफ्नो वार्षिकोत्सवको अवसरमा आयोजना गरेको मैत्रीपूर्ण भलिबल प्रतियोगिताको उद्घाटन खेलमा सिनर्जी एफएम विजयी भएको छ ।
आयोजक विजय एफएमलाई २–१ ले पराजित गर्दै सिनर्जी एफएम प्रतियोगिताको दोस्रो चरणमा प्रवेश गरेको छ । विजय एफएमलाई २५–१२, १६–२५ र २५–२२ को सेटमा पराजित गर्दै सिनर्जी एफएम अर्काे चरण प्रवेश गरेको हो ।
सेमिफाइनल प्रवेशका लागि सिनर्जी एफएम आगामी बुधबार मध्यविन्दु एफएम र लोकतन्त्र सन्देश बीचको खेलको विजेतासँग प्रतिस्पर्धा गर्दैछ । प्रतियोगितामा दुईवटा समूहमा गरी ८ वटा टोली सहभागी छन् ।