अज्ञात समूहद्वारा दम्पत्तीको हत्या

रौतहट । रौतहटको अकलवा गाविसमा सोमबार राति हतियारधारी समूहले एक दम्पत्तीको हत्या गरेको छ । अन्य दुई जना गम्भीर घाइते भएका छन् ।
हतियारसहित पुगेका १५–२० जनाको समूहले स्थानीय ४६ वर्षीय शेख गफार र उनकी ४० वर्षीया श्रीमती सहनाज बेगमको गोली हानी हत्या गरेको हो ।
सो समूहले उनीहरुलाई राति ढोका खोल्न भनेको र नमानेपछि झ्यालबाटै गोली हानेको प्रहरीले जनाएको छ । शेखको कंचटमा र उनको श्रीमतीको घाँटीमा गोली लागेको छ । उनीहरुको घटनास्थलमै मृत्यु भएको बताइएको छ ।
शेख दम्पत्तीको घरबाट लुटेराले केही पनि नलगेकोले व्यक्तिगत रिसईबीकै कारण सो घटना भएको बुझिएको छ । घटनालगत्तै प्रहरीले एक जनालाई पक्राउ गरी अनुसन्धान गरिरहेको छ भने अन्यको खोजी भइरहेको बताएको छ ।
गोली लागी स्थानीय छिना खातुन र शेख सोयव घाइते भएका छन् । घटनापछि भाग्दै गरेका लुटेराले भाग्नेक्रममा बाटोमा निस्केका उनीहरुलाई गोली हानेका हुन् । उनीहरुको वीरगंजमा उपचार हुन नसकेपछि काठमाडांै लगिएको प्रहरीले जनाएको छ । हतियारी समूहले अन्य चारवटा घरमा लुटपाट गरेको गरेको छ ।