बालबालिका लक्षित कार्यक्रम गरिने

नारायणगढ । लियो क्लब अफ नारायणगढ दियालो र दियालो परिवार नारायणगढले ग्रामीण युवा तथा बालबालिकालाई लक्षित गरी विभिन्न कार्यक्रम गर्नेभएको छ ।
सडक बालबालिकाको क्षेत्रमा कार्य गर्दै आएको दियालो परिवार नारायणगढको समन्वयमा लियो क्लब अफ नारायणगढ दियालोले पछाडि पारिएका समुदायका बालबालिकाको व्यक्तित्व विकासका लागि विभिन्न कार्यक्रम गर्न लागेको क्लबका अध्यक्ष सुजन अधिकारीले बताउनुभयो ।  क्लबले नारायणगढमा योजना तथा कार्यशाला कार्यक्रमको आयोजना गरी यस्तो बताएको हो ।
क्लबका अध्यक्ष सुजन अधिकारीको अध्यक्षतामा सम्पन्न कार्यक्रममा दियालो परिवारका उत्तम गुरुङ, पार्वती सिलवाल, लियो क्लब अफ नारायणगढ दियालोका पूर्वअध्यक्ष असिम हमाललगायतले बोल्नुभएको थियो ।