माओवादीद्वरा चितवन वन्द

नारायणगढ । नेकपा–माओवादीले आफ्ना कार्यकर्ता गिरफ्तारीको विरोधमा आज शुक्रबार आह्वान गरेको चितवन बन्दका कारण चितवनको जनजीवन विहानै देखि प्रभावित भएको छ ।

भरतीय उत्पादनको नेपाल आयातमा रोक लगाउँदै आएको माओवादीले बिहिबार राति भारतीय नम्वर प्लेटको ट्रकमा आएको माछालाई नियन्त्रणमा लिने क्रममा पूर्वीचितवनमा आफ्ना कार्यकर्तालाई प्रहरीले गिरफ्तार गरेको भन्दै बन्द गरेको हो । प्रहरीले माओवादीका कार्यकर्ताहरुलाई जिल्ला प्रहरी कार्यालय भरतपुरमा राखेको छ ।

बन्दका कारण लामा तथा छोटा दुरीका सवारी साधन चल्न सकेका छैनन् भने विहानै देखि सञ्चालनमा आउने शैक्षिक संस्थाहरु समेत बन्द भएका छन् । माओवादीले आफ्ना कार्यकर्ता नछाड्दा सम्म बन्द जारी रहेने जनाएको छ ।