एमाओवादीले नेताहरुको सम्पत्ति छानविन गर्ने

काठमाडौं । एकीकृत नेकपा माओवादीले पार्टी नेताहरुको सम्पत्तिको छानविन गर्ने भएको छ ।
काठमाडौंमा जारी पार्टीको बिस्तारित बैठकमा अध्यÔ पुष्पकमल दाहाल ‘प्रचण्ड’ले पार्टीको आयव्यय र नेताहरुको सम्पत्तिबारे छानविन गर्न स्थायी समिति सदस्य अमिक शरेचनको अध्यÔतामा तीन सदस्यीय उच्चस्तरीय आयोग गठन गर्नुभएको छ । शान्ति प्रक्रियामा आएपछि प्रधानमन्त्री, मन्त्रीलगायतका सार्वजनिक पद धारण गरेका माओवादी नेताहरुले अकुत सम्पत्ति कमाएको आरोप लाग्दै आएको छ ।
पोलिटव्युरो सदस्यद्वय लोकेन्द्र विष्ट र नवराज सुवेदी रहेको आयोगलाई एक महिनाभित्र प्रतिवेदन बुझाउन भनिएको प्रचारप्रसार उपसमितिका संयोजक विश्वभक्त दुलाल आहुतिले जानकारी दिनुभयो ।
शिविरमा भएको भनिएको अनियमिताबारे छानविन गर्न पार्टीले सचिव पोष्टबहादुर बोगटीको संयोजकत्वमा अर्को उच्चस्तरीय आयोग गठन गरेको छ । आयोगमा पोलिटव्यूरो सदस्य हितराज पाण्डे र केन्द्रीय सदस्य डोरप्रसाद शर्मा सदस्य रहनुभएको छ । सातबटै डिभिजनको हिसाबकिताब आधिकारिक र व्यावसायिक चार्टर एकाउन्टेन्टबाट गराउने निर्णय भएको आहुतिले जानकारी दिनुभयो ।
पूर्वलडाकूहरुले शिविरमा छ“दा बुझाएको रकमको हिसाब खोज्दै बिस्तारित बैठक अवरुद्ध पारेपछि माओवादी स्थायी समितिको बिहीबारको बैठकले छानविन समिति बनाउने निर्णय गरेको हो । प्रत्येक शिविरमा दुई करोडभन्दा बढीको भ्रष्टाचार भएको उनीहरुको आरोप छ ।
यसैबीच भ्रष्टाचारको आरोप लागेपछि माओवादीका सातवटै मुख्य शिविरका कमाण्डरहरुले सामूहिक राजीनामा दिएका छन् । अध्यÔ प्रचण्डले बिहान बसेको माओवादीको पदाधिकारी बैठकमा सबै शिविरका प्रमुखहरुलाई बोलाएर जा“चबुझमा सजिलो बनाउने गरी राजीनामा दिन आग्रह गरेपछि छवटा डिभिजनका कमाण्डरहरुले राजीनामा दिएका हुन् ।
राजीनामा दिने डिभिजन कमाण्डरहरुमा क्रमशः यामबहादुर अधिकारी प्रथम, सुकबहादुर रोका दोस्रो, धनबहादुर मास्की तेस्रो, टेकबहादुर ओली चौथो, राजबहादुर बूढा पाँचौं र महेन्द्र शाही छंैटौ रहेका छन् ।