अवैध मलसहित दुई पक्राउ

कावासोती । अवैध रुपमा भारतबाट ल्याउँदै गरेको युरिया मल र मल बोकेको ट्याक्टरसहित दुई जनालाई नवलपरासी प्रहरीले आइतबार राति पक्राउ गरेको छ ।
जिल्ला प्रहरी कार्यालय परासी र इलाका प्रहरी कार्यालय सेमरीको गस्ती टोलीले भुजहवा नाकाबाट लु १ त ५५३६ नम्बरको ट्याक्टरमा राखेर अवैध रुपमा ल्याउँदै गरेको युरिया मल बरामद गरेको नवलपरासीका प्रहरी प्रमुख ज्ञानविक्रम शाहले बताउनुभयो ।
८० बोरा युरिया मलका साथै कारोबारमा संलग्न जहदा–४ बस्ने पशुुपति चौधरी र महेन्द्र शाहीलाई पक्राउ गरिएको शाहले जानकारी दिनुभयो । बरामद मल ट्याक्टर र संलग्न व्यक्तिहरुलाई कानुनी कारबाही अगाडि बढाइने प्रहरीले बताएको छ ।