१२ कक्षाको रिजल्ट सार्वजनिक

उच्च माध्यमिक शिक्षा परिषद्ले व्यवस्थापन, मानविकी र शिक्षा संकायको कक्षा १२ को परीक्षाफल आज सार्वजनिक गरेको छ।  कूल ३८ दशमलव ५८ प्रतिशत विद्यार्थी उत्तीर्ण भएको परिषद्ले जनाएको छ। यो संख्या गत वर्षभन्दा सात प्रतिशतले कम हो।   नियमित तर्फ तीन वटै संकायमा २ लाख ३० हजार ९३४ परीक्षार्थी सहभागी भएकोमा ८९ हजार १२५ जना उत्तीर्ण भएका हुन्।

यसैगरी आंशिक तर्फ १ लाख २८ हजार १९८ जना सहभागी भएकोमा ४६ हजार ७४० जना अर्थात् ३६.४५ प्रतिशत उत्तीर्ण भएका छन्।