फलेवास (पर्वत) । रोजगारीको सिलसिलामा दक्षिण कोरिया पुगेका पर्वतवासीले एकै घरका पाँच अपाङ्ग बालिकालाई आर्थिक सहयोग उपलब्ध गराएका छन् ।
विभिन्न सञ्चार माध्यमबाट पाँच अपाङ्ग बालिकाको वेदनासम्बन्धी समाचार प्रकाशन तथा प्रसारण भएपछि कोरियामा बस्दै आएका पर्वतेलीले सो सहयोग उपलब्ध गराएका हुन् ।
पर्वतको रानीपानी गाविस–६ पत्स्यारका बलबहादुर परियारका पाँच अपाङ्ग छोरीलाई कोरियामा गठित पर्वत प्रवासी समाजको पहलमा रु एक लाख ५० हजार सहयोग प्राप्त भएको हो ।
नेपाल पत्रकार महासङ्घ, पर्वतको संयोजनमा भएको कार्यक्रममा उक्त रकम समाजका सचिव लक्ष्मण पुरीमार्फत अपाङ्ग बालिकाका बाबु बलबहादुर परियारलाई हस्तान्तरण गरिएको हो ।
अपाङ्ग बालिकाका लागि यसअघि पनि इजरायलमा रहेका नेपालीबाट रु ११ लाख सहयोग प्राप्त भएको थियो भने विभिन्न व्यक्ति तथा समाजलगायत विदेशमा गएका नेपालीले सहयोग प्रदान गर्ने क्रम जारी रहेको छ । अहिलेसम्म रु १७ लाख ५० हजार आर्थिक सङ्कलन भइसकेको बाबु परियारले जानकारी दिए ।
No comments:
Post a Comment
Thanx for your comment