प्रेममा बरफझैं पग्लिन थाले रे राजेश

बुढेसकालमा प्रेमजालमा परेका नायक राजेश हमालमा प्रेमप्रतिको दृष्टिकोण र परिभाषा नै बद्लिन थाले छ ।
पहिले पहिले बिहेको कुरा गर्दा त्यति नखुल्ने र सहजै टारिदिने राजेश हमाल यतिखेर आफ्नी प्रेमिकाको बखान, प्रेमको परिभाषा दिनमै ब्यस्त भेटिन्छन् ।
कान्तिपुर साप्ताहिकसँग कुराकानी गर्दै हमालले आफ्नी प्रेमिकाको प्रेममा आफु बरफ झैं पग्लिन थालेको बताएका छन् । ‘मलाई एक्लो जीवन नै प्यारो लाग्थ्यो, तर होइन रहेछ, जब म उनले पकाएको खाना खान्छु, उनको उपस्थीतिले घरभित्रको वातावरण फरक पाउँछु ।- हमालले भनेका छन-’लाग्छ, प्रेम भएकै हो, उनको बानी पर्न थालेकै हो, म उनको मायाले बरफ झैं पग्लन थालेको छु ।’
आफ्नी प्रेमिका घरमा आउने र मन र शरिरबाट धेरै नजिक भएपनि संगै बस्न भने नथालेको हमालले बताए । आफुलाई जाडोमा बिबाह गर्ने मन नभएकाले आउने सालको गर्मी सुरु हुनुअघि नै बिबाह गरिसक्ने हमालले बताएका छन् । प्रेमिकालाई आफ्नो मान्छे भनेर चिनाइहाल्ने वैधानिक हक प्राप्त नभएकाले आफुले सार्वजनिक नगरेको अन्र्तवार्तामा हमालले बताएका छन् ।