बस दुर्घटना, ६ जनाको मृत्यु

नवलपरासी । पुर्वपश्चिम राजमार्ग अन्तर्गत नवलपरासीको अरुणखेला जंगलमा गएराती भएको बस दुर्घटनामा ६ जनाको मृत्यु भएको छ । ४२ जना घाइते भएका छन् । पुर्व वाट पश्चिम आउँदै गरेको ना ४ ख १०९२ नम्वरको वस र विपरीत दिशावाट आउदै गरेका युपी ५३ वि टि ९३ ८७ नम्वरको इन्डियन ट्रकसँग ठोकिदा दुर्घटना भएको छ ।

दुर्घटनामा परी ४ जनाको घटनास्थलमै र २ जनाको उपचारका क्रममा चितवनस्थित भरतपुर अस्पतालमा मृत्यु भएका इलाका प्रहरी कार्यालय कावासोतीले जनाएको छ । घाइतेहरुमध्ये ४ जनाको पुरानो मेडिकल कलेज भरतपुर , ७ जनाको मध्यविन्दु अस्पताल डण्डा र ३१ जनाको मनकामना मेडिकहल अरुडखोलामा उपचार भइ रहको छ ।

दुर्घटनामा परि मृत्यु भएका मध्ये वैतडि घर भएका वसका चालक महनसिंह रावलको मात्र परिचय खुलेको छ । अन्य ५ जनाको परिचय खुल्न बाँकी रहेको छ ।