मुद्रा सटहीमा ठगिएको सेवाग्राहीको गुनासो

भरतपुर । परासीमा रहेका सटही काउन्टरहरुले भारतीय मुद्रा सटहीमा ठगी गरेको पीडितहरुले बताएका छन् । राष्ट्र बंैकले तोकेको मापदण्डविपरीत सटही काउन्टरहरुले निकै धेरै कट्टा काट्ने गरेको पीडितको गुनासो छ ।

भारतीय मुद्रा सटही गर्दा काउन्टरहरुले प्रतिसय रुपैयाँमा ४० पैसा लिने कानुनी प्रावधान भएपनि काउन्टरहरुले सयकडा पाँचदेखि छ रुपैयाँ लिने गरेको आरोप छ ।
राष्ट्र बंैकले भारतीय पाँच सय र एक हजारको भारतीय नोट लिन र दिन प्रतिबन्ध लगाएपनि यहाँका सटही काउन्टरहरुले भित्रभित्र ती नोटको कारोबार गरिरहेको पीडितको दावी छ । सर्वसाधारणहरु नोट सटहीमा ठगिइरहे पनि सम्बन्धित निकायको ध्यान पुग्न नसकेको उनीहरुले बताए ।