रामनगर । चितवनको रामनगरमा सोमबार दिउँसो यात्रुबस दुर्घटना हुँदा एक जनाको मृत्यु भएको छ । अन्य १२ जना घाइते भएका छन् ।
दिउँसो वीरगन्जबाट काठमाडाँै जाँदै गरेको ना ४ ख १५४४ नम्बरको यात्रुबस अनियन्त्रित भई रामनगरको भतेरी जङ्गलमा पल्टिँदा एक जनाको ज्यान गएको चितवन प्रहरीले जनाएको छ । मृत्यु हुनेको सनाखत हुन सकेको छैन ।
घाइतेमध्ये आठको अवस्था गम्भीर रहेको छ । उनीहरुको भरतपुर मेडिकल कलेजमा उपचार भइरहेको छ । अन्दाजी ३५ जना यात्रु बोकेर काठमाडाँै जाँदै गरेको सो बस सडकमा पल्टेपछि यात्रुहरू बसभित्र च्यापिएका थिए । घटनाको थप अनुसन्धान भइरहेको प्रहरीले जनाएको छ ।
यसैबीच रत्ननगर नगरपालिकास्थित शान्तिचोकमा आइतबार राति भएको दुर्घटनामा तीन जना घाइते भएका छन् । दुईवटा मोटरसाइकल एकआपसमा ठक्कर खाँदा चालकद्वय स्थानीय ४४ वर्षीय राजु भण्डारी, २५ वर्षीय सञ्जोक पाठक र ३० वर्षीय अशोक भुषाल घाइते भएका हुन् ।
उता, मंगलपुर गाविस–५ मा माछा मार्नेक्रममा खोला किनारमा रुख ढलेर च्याप्दा ३५ वर्षीय सूर्य बोट घाइते भएका छन् ।
राजस्व संकलन
यसैबीच, जिल्ला प्रहरी कार्यालय र ट्राफिक प्रहरी कार्यालयको संयुक्त चेकजाँचका क्रममा सवारी नियम उल्लंघन गर्ने ४८ जना सवारी चालकलाई कारबाही गरी ६ हजार ४५० रुपैयाँ राजस्व संकलन गरिएको प्रहरीले जनाएको छ ।
No comments:
Post a Comment
Thanx for your comment