चितवनमा स्वतन्त्र पत्रकार संघको शाखा गठन ।

नारायणगढ । चितवनमा क्रियाशील पत्रकारहरुको मंगलबार सम्पन्न भेलाले स्वतन्त्र पत्रकार संघ चितवन शाखा गठन गरेको छ । भेलाले सूर्यप्रकाश कँडेललाई शाखाको अध्यक्षमा सर्वसम्मत चयन गरेको छ । संघका केन्द्रीय अध्यक्ष कृष्णप्रसाद वास्तोलाको प्रमुख आतिथ्यमा सो भेला भएको थियो ।
नवगठित समितिको उपाध्यक्षमा विनोदबाबु रिजाल, सचिवमा मोहनचन्द्र रुम्बा र कोषाध्यक्षमा अनिता घिमिरे रहेका छन् । सदस्यहरुमा राजु चौधरी, निरु लामिछाने, सुनिता तिवारी, सन्तोष गुरुङ, लेखनाथ वगाले‘सुरेस’ सर्वसम्मत चयन भएका छन् । त्यस्तै भेलाले रमेशकुमार पौडेल, राजेश घिमिरे, विधुर ढकाल र सुरज पौडेललाई केन्द्रीय पार्षदमा चयन गरेको छ ।
भेलाले चितवनमा क्रियाशील स्वतन्त्र पत्रकारहरुलाई संगठित पार्दै अगाडि वढ्ने निर्णय गरेको छ । भेलामा वोल्दै केन्द्रीय अध्यक्ष वास्तोलाले कुनै पनि राजनीतिक दल र तिनको भातृसंस्थामा नरहेका स्वतन्त्र पत्रकारहरु संगठित भएर अगाडि वढ्नुपर्ने बताए । कास्कीमा केन्द्रीय कार्यालय रहेको संघको चितवनसहित चार जिल्लामा शाखा गठन भइसकेको छ । यसअघि कास्की, तनहुँ र गोर्खामा शाखा गठन भएको छ ।