प्रेमविवाहको बदला ज्वाईँको शरिर १६ टुक्रा

१९ भदौ, एजेन्सी (नयाँ दिल्ली)। मानिस प्रेमको लागी ज्यान समेत दिन पछी पर्दैनन् भनेको त सुनेका नै छौ। कहिले काही यस्तै उदाहरण हामीले नदेखेका या नसुनेका पनि होइनौ । यस्तै भारतको नयाँ दिल्लीमा पनि एक प्रेमीले प्रेमकै कारण ज्यान गुमाउनु परेको छ । उक्त प्रेमीले प्रेम गरेर विवाह गरेकी आफ्नै श्रीमतीका बाबुको हातबाट मारिनु परेको बताइएको छ । 

भारतको नयाँ दिल्लीमा बस्दै आएका ट्याटु आर्टिस्ट पारस भसीनलाई प्रेम विवाह गरेको सजाय आफ्नै मृत्यु बनेको छ । पारसको शव १६ वटा टुक्रा बनाइएको अवस्थामा रेल ट्रयाकमा भेटिएको थियो भने उनको टाउको भने फेला परेको छैन् । उनको कपडा, हात, हातमा रहेको ट्याटुका आधारमा त्यो शव पारसको नै भएको बताइएको छ । यो घटना हत्या हो या आत्महत्या भने पुष्टी नभएको प्रहरीले जनाएको छ । तर यो घटनमा पारसको १६ वटा टुक्रा भेटिनुले यो हत्या नै हुन सक्ने सम्भावना बढी रहेको पनि प्रहरीको भनाई छ । 

यस घटनामा पारसका परिवारले पारसको हत्या पारसकी  प्रेम विवाह गरेकी  श्रीमतीका बाबुको भएको बताउँदै केटीका बाबुलाई दोषी  ठहर गर्दै उजुरी दिएका छन् । पारसका परिवारले पारस र उनकी प्रेमीका शैलीको प्रेम विवाह भएको शैलीका परिवारले मन नपराएको तथा शैलीका बाबुराले सधै धम्याउने गरेको आरोप लगाउँदै प्रहरिमा उजूरी दर्ता गरेका छन् ।

केही समयअघि माइती गएकी शैलीलाई भेट्न भनि निस्केका पारसको लास करिब ५० मिनेटपछी रेल ट्रयाकमा पाइएको खबर परिवारले पाएका थिए । परिवारलाई उक्त खबर पारसकै घरमा फोन गरी एक बच्चाले दिएको बताइएको छ । प्रहरिले यस विषयमा जानकारी लिन फोन गर्ने उक्त बालक का साथै उक्त घटनाको आसपासमा सोही रूट भएर चल्ने रेलहरूका चालकहरू सँग पनि बयान लिने प्रहरिले जनाएका छ । 

 vie nepali headline