यौन दुव्र्यवहार गर्ने दुई शिक्षक पक्राउ

भरतपुर । आफैँले पढाउने विद्यार्थीमाथि यौन दुव्र्यवहार गरेको आरोपमा चितवनको माडीबाट दुई शिक्षक पक्राउ परेका छन् ।
यौन दुव्र्यवहार गरेको जानकारी भएपछि स्थानीय अभिभावकले पक्राउ गरी प्रहरी कार्यालयमा बुझाएको माडी प्रहरीले जनाएको छ । लामो समयदेखि छात्रालाई यौन दुव्र्यवहार गर्दै आएको आरोप लगाउँदै शिक्षकलाई स्थानीय बासिन्दाले कुटपिट गरी प्रहरीलाई बुझाएका हुन् ।
दक्षिण चितवन माडीको जगन्नाथपुरी निम्न माविका शिक्षक देवराज साँखी र शिव आचार्यलाई पक्राउ गरी माडी प्रहरी कार्यालयमा राखिएको छ ।  आफ्नै विद्यालयको कक्षा ७ र ८ मा पढ्ने विद्यार्थीमाथि यौन दुव्र्यवहार गरेको उजुरी परेको प्रहरीले जनाएको छ ।  

खैरो हेरोइनसहित पक्राउ

यसैबीच खैरो हेरोइनसहित पश्चिम चितवनको जगतपुरबाट प्रहरीले दुई जनालाई पक्राउ गरेको छ । प्रहरीले माडी कल्याणपुर गाविस–२ का १९ वर्षीय सवीन गिरी र वडा नं ९ का ३५ वर्षीय सागर राईलाई पक्राउ गरिएको जानकारी गराएको छ ।
उनीहरुलाई स्थानीयको सुराकीका आधारमा पक्राउ गरिएको र अहिले अनुसन्धान चलिरहेको चितवनका प्रहरी नायब उपरीक्षक रवि पौडेलले जानकारी दिनुभयो ।