अपहरणमा संलग्न छसहित २२ आरोपी सार्वजनिक

विधुर ढकाल
भरतपुर । जिल्ला प्रहरी कार्यालय चितवनले अपहरणमा संलग्न छसहित २२ आरोपीहरुलाई आइतबार सार्वजनिक गरेको छ । कार्यालयले गत २७ गते शनिबार गैँडाकोटका दामोदर तिवारीको अपहरणमा संलग्न भएको आरोपमा छ जनासँगै अन्य चोरीको आरोप लागेका १६ जनालाई प्रहरीले सार्वजनिक गरेको हो ।
गत शनिबार गैँडाकोट निवासी नारायणगढको शहिदचोकमा मेडिक्यान नेपाल सप्लायर्सका सञ्चालक तिवारीलाई अपहरण गरेको आरोपमा चितवन जिल्ला बाहिरका ६ आरोपीलाई सार्वजनिक गरेको हो । प्रहरीले आइतबार इलाम पशुपतिनगरका २८ वर्षीय छोगेल दोलम, इलाम १ सिद्धिका २६ वर्षीय दोर्जे तामाङ, मकवानपुर हेटौँडाका ३० वर्षीय वीरबहादुर बोम्जन, २५ वर्षीय विक्रमसिंह गुरुङ, र काठमाडौँ नैकापका २४ वर्षीय सुवित अधिकारीलाई पक्राउ गरी सार्वजनिक गरेको हो ।

उनीहरुले तिवारीलाई शनिबार बिहान पौने ११ बजे सहिदचोकबाट कार पार्किङ गर्दैगर्दा कारसहित अपहरण गरेको जिल्ला प्रहरी कार्यालयका प्रवक्ता एवम् नायव प्रहरी उपरीक्षक अरुण पौडेलले बताउनुभयो । सबै आरोपीलाई प्रहरीले भरतपुर गोन्द्राङबाट उनीहरुले प्रयोग गरेको तीनवटा मोटरसाइकलसहित पक्राउ गरेको थियो ।

तिवारीलाई सहिदचोकबाट अपहरण गरी मोटरसाइकलमा राखी लैजाँदै गर्दा उनी भरतपुर चोबीसकोठीमा मोटरसाइकलबाट फाल हानेर बच्न सफल भएका थिए । उनलाई प्रहरीले चोबीसकोठीबाट उद्धार गरी जिल्ला प्रहरी कार्यालय पु¥याएको थियो ।

प्रहरीले उनीहरुबाट तिवारीको लुटिएको बा। ७ च ८४११ नं। को कार आरोपीले प्रयोग गरेको बा। ५४ प ३२०९ नं। एफजेडएस, बा। ४२ प २९०१ र बा। ३७ प २६४३ नं।को पल्सर मोटरसाइकललाई प्रहरीले बरामद गरेको छ । तिवारीलाई सहिदचोकबाट सुवित अधिकारीले मोटरसाइकलमा हालेर अपहरणको प्रयास गरेका थिए भने उनको कारलाई आरोपीहरुले नै चलाएर लगेको तिवारीले बताउनुभयो ।

त्यस्तै जिल्ला प्रहरी कार्यालयले विभिन्न समयमा दुई वर्ष अगाडि चोरी गरेको लु। ७ प ७२५० नं।को डिस्कोभर मोटरसाइकलसहित पटिहानी चितवनका २५ वर्षीय शंकर भण्डारीलाई पनि सार्वजनिक गरेको छ । गत २०६७ साल मंसिर २० गते रत्ननगरबाट झापा दमकका नरेन्द्रकुमार दाहालको चोरी भएको मोटरसाइकललाई प्रहरीले यही पुस २५ गते भण्डारीसँगै नियन्त्रणमा लिएको थियो । प्रहरीले बेवारिसे अवस्थामा नम्बर नखुलेको कालो पल्सर बरामद गरेको छ ।

प्रहरीले आइतबार सार्वजनिक गरेका अन्य आरोपीहरुमा शारदानगर चितवनका का १७ वर्षीय सुजित ठकुरी र १७ वर्षीय सागर महतो समेत रहेका छन् । उनीहरुबाट प्रहरीले तीनथान कम्प्युटरसमेत बरामद गरेको छ ।

त्यस्तै काँस्की पोखराका २१ वर्षीय सुमन गुरुङ, २८ वर्षीय लक्ष्मण नेपाली र २४ वर्षीय राजु विकलाई समेत प्रहरीले विभिन्न मूल्य पर्ने चोरीका मोबाइल र लागूऔषध २७ एम्पुल ब्रफिनर्फीन, २८÷२८ एम्पुल डाइजेपाम र फेनारगनसहित पक्राउ गरी सार्वजनिक गरेको छ ।

त्यस्तै प्रहरीले आइतबार सार्वजनिक गरेका अन्य आरोपीहरुमा भरतपुर तीन नम्बर चोकको गल्स होस्टलमा चोरी गर्ने गैँडाकोटका सिरे भन्ने गोपाल थापा, भरतपुर २ का ड्रम भन्ने निरज राई, विभिन्न चोरीका हार्डवयर तथा घरायसी समान खरिद गर्ने भारत घर भई भरतपुर ३ बस्ने संजयकुमार साह, चोरी गर्ने भरतपुरका राकेश चौधरी, भरतपुर ८ का शोलोमान चौधरी रहेका छन् । प्रहरीले चोरीको समानसहित रत्ननगरका बुधे लामा, अजय लामा, कृष्ण चौधरी लामा र प्रकाश परियारलाई पक्राउ गरी थप अनुसन्धानका लागि इलाका प्रहरी चौकी गैँडाकोटलाई बुझाएको छ ।

त्यस्तै प्रहरीले सौराहामा होटल सञ्चालन गरी बस्ने अरुण रिजाल र निजका बाबु नुरदेव रिजाललाई कुटपिट गरेको आरोपमा गारखा लाकुरीकोटका बुद्धबहादुर लामा र लम्जुङ ढोढेनीका सुजन लामालाई पक्राउ गरेको प्रहरी नायव उपरीक्षक पौडेलले बताउनुभयो ।